Դդումի մուրաբան իմ ամենասիրելի մուրաբաներից մեկն է։ Եվ այն համարվում է ամենահամեղ մուրաբաներից մեկը։ Սակայն համեղ լինելու համար, պետք է ճիշտ պատրաստել այն։
Ձեզ ենք ներկայացնում դդումի մուրաբայի բաղադրատոմսը։ Այն այսպես պատրաստելով չի շաքարակալի և անչափ համեղ կստացվի։
Բաղադրամասեր
1 կգ դդում,
1 կգ շաքարավազ,
400 գր ջուր,
վանիլին
Պատրաստման եղանակը
Դդումը պետք է մաքրեք, սերմերը հեռացնեք և կտրատեք։ Մաքրած վիճակում պետք է դդումը 1 կգ լինի։
2-3 սմ հաստությամբ կտրատեք, լցրեք կրաջրի մեջ և թողեք 25 րոպե։
Այնուհետև կրաջրից հանեք, լվացեք սառը ջրով և լցրեք քամիչի մեջ։
Ջուրը եռացրեք, դդումները լցրեք եռացող ջրի մեջ, թողեք 5 րոպե եփվի և հետո թափեք ջուրը, իսկ դդումները սառեցրեք։
Պատրաստեք օշարակը։
Դդումները լցրեք օշարակի մեջ և թողեք այդպես մնա մոտ 5-6 ժամ։
Այնուհետև դրեք այն կրակի վրա և եփեք 30 րոպե։
Հետո կրակի վրայից վերցրեք և դրեք հով տեղ ՝ 2 ժամով։
Եվս մեկ անգամ 30 րոպե եփեք և կրկին 2 ժամով հով տեղ դրեք։
Հետո եփեք այնքան մինչ պատրաստ լինելը։
Մի փոքր հովանալուց հետ լցրեք բանկաների մեջ և փակեք։
Ցանկության դեպքում կարող եք նաև մեխակ ավելացնել, բայց ես նախընտրում եմ առանց մեխակ։