Առաջարկում ենք պատրաստել համեղ և հագեցնող աղցան, որի պատրաստման համար մեծ ջանքեր հարկավոր չեն: Փարիզյան աղցանը կարող եք պատրաստել ընտանեկան ընթրիքի և ցանկացած տոնական սեղանի համար:
Այս յուրօրինակ, սննդարար և համեղ աղցանը իդեալական է ամենօրյա ճաշացանկը թարմացնելու և իհարկե հյուրերին զարմացնելու համար:
Բաղադրամասեր
Պահածոյացված լոբի (կարմիր) - 150 գր
Սունկ - 120 գր(опята)
Խոզապուխտ - 120 գր
Պինդ պանիր - 120 գր
Սոխ – 1հատ
Գազար – 1հատ
Սամիթ –ըստ ճաշակի
Աղ –ըստ ճաշակի
Մայոնեզ -ըստ ճաշակի
Պատրաստման եղանակը
Սոխը կտրեք խորանարդիկներով: Գազարն անցկացրեք քերիչով: Այնուհետև սոխը և գազարը տապակեք մինչև փափկելը և տեղափոխեք խորը տարայի կամ աղցանամանի մեջ։
Լոբին ազատեք հեղուկից և ավելացրեք զանգվածին։
Այնուհետև ավելացրեք երկարավուն կտրատած խոզապուխտը:
Ապա ստացված զանգվածին ավելացրեք սունկը:
Քերիչով անցկացրեք պանիրը և ավելացրեք ստացված զանգվածին:
Ավելացրեք մանրացրած սամիթը, ապա՝ մայոնեզը: Աղցանը համեմեք աղով` ըստ ճաշակի:
Աղցանը պատրաստ է:
Բարի վայելում: