Առաջարկում ենք պատրաստել կիտրոնով համեղ ռուլետ և վայելել տաք թեյի հետ։
Բաղադրամասեր
Ալյուր - 150 գր
ձու - 3 հատ
շաքարավազ - 150 գր
Միջուկի համար՝
կիտրոն - 2 հատ
սերուցք (33% յուղ.) - 100 գր
շաքարավազ - 250 գր
Պատրաստման եղանակը
Հարեք ձուն շաքարավազի հետ մոտ 10 րոպե, ապա ավելացրեք մաղով անցկացրած ալյուրը և խառնեք։
Լցրեք խմորը ձևամանի մեջ և թխեք նախապես 180 աստիճան տաքացրած ջեռոցում 15 րոպե։
Սրբիչի վրա շաղ տվեք շաքարի փոշին, խմորի շերտը դրեք սրբիչի վրա և փաթաթեք ու տվեք ռուլետի տեսք։
Այնուհետև կիտրոնը բաժանեք 4 մասի, ապա շաքարավազի հետ բլենդերով հարեք։
Այնուհետև հարեք սերուցքը այնքան մինչև պնդանա։
Ապա բացեք ռուլետը և կիտրոնի միջուկով պատեք այն։
Ապա վրան քսեք սերուցքը, կրկին փաթաթեք , ապա դրեք սառնարանում։
Մատուցելուց առաջ շաղ տվեք շաքարի փոշի։