Շատերի մոտ է պատահում, որ արմունկներն ու ծնկները մգանան և չորանան, դա սովորաբար տեղի է ունենում, երբ մաշկի տակ կուտակվում են մեռած բջիջները:
Այդ գունափոխումը որպես կանոն առողջության վրա չի ազդում, պարզապես այդ մգությունը տգեղացնում է ձեռքերն ու ոտքերը։
Կան բնական միջոցներ, որոնք պայքարում են այս խնդրի դեմ:
Վարսակի փաթիլները բնական էքսֆոլիանտ են, որոնք օգնում են մաքրել և փափկեցնել մաշկը: Վարսակը հեշտությամբ բացացնում է մաշկի գույնը, փափկեցնում մաշկը:
2 ճաշի գդալ վարսակի փաթիլները խառնեք 2 թեյի գդալ թթվասերով կամ կաթով: Ստացված խյուսը մերսող շարժումներով քսեք արմունկների և ծնկների մաշկին, թողեք մնա մի քանի րոպե: Ապա կրկին մերսեք մաշկը 10 րոպե շարունակ և լվացեք սառը ջրով:
Կիտրոնի հյութը հրաշալի կերպով բացացնում է մաշկի գույնը: Արմունկներն ու ծնկները լվացեք, վրան կես կիտրոնի հյութ քսեք, մերսեք մաշկը 10 րոպե շարունակ, թողեք չորանա։ Գործողությունը կատարեք ամեն օր: