Ձեզ ենք ներկայացնում հայկական աջիկա պատրաստելու բաղադրատոմսը։ Սա տատիկիս բաղադրատոմսն է։
Բաղադրամասեր
5 կգ լոլիկ - ընտրեք կարմիր հաստ կեղև ունեցող լոլիկներ, որպեսզի առանց ջերմամշակման հեշտ կառողանաք հեռացնել այն։
3 կգ կարմիր պղպեղ (1,5 կգ քաղցր պղպեղ, 1,5 կգ կծու տաքդեղ) կամ ըստ ճաշակի
2 գլուխ սխտոր
2 թեյի բաժակ աղացած համեմի սերմ
2 թեյի բաժակ աղացած չաման-համեմ։ Չամանը նախապես կարող եք թեթևակի բովել նոր աղալ։
2 թեյի բաժակ խոշոր աղ։ Աղը անպայման փորձեք, սովորականից պետք է աղի լինի։
Պատրաստման եղանակը
Լոլիկը, պղպեղը լվանալ և չոր շորով չորացնել։
Հեռացնել լոլիկի կեղևը։
Պղպեղները մաքրել և հեռացնել սերմերը։
Այնուհետև պղպեղը, լոլիկը և սխտորը աղալ մսաղացով և հարել բլենդերով։
Ավելացնել համեմի սերմը, չամանը և աղը, լավ խառնել։
Ինչպես աբխազական աջիկայի դեպքում կամ լցնել ապակյա կամ էմալապատ տարրայի մեջ։
Ծածկել սրբիչով և թողնել 5-7 օր ֆերմենտացիայի համար, չմոռանալով ամեն օր խառնել։