Բրինձը հարուստ է մի շարք վիտամիններով։
Բրնձից պատրաստվում են ոչ միայն համեղ կերակուրներ, այլև նրանից պատրաստված եփուկը հրաշալի բուժիչ ազդեցություն ունի։
Բրնձի եփուկը խորհուրդ է տրվում աղեստամոքսային հիվանդությունների և ստամոքսի խանգարման դեպքում։
Ստամոքսի հիվանդությունների դեպքում 200 գ բրինձը եփեք 1,5 լ ջրի մեջ մինչև եռալը։
Խմեք 60-70-ական մլ` 2 ժամը մեկ։
Փորլուծության դեպքում եփեք 1 ճաշի գդալ բրինձը 200 մլ ջրի մեջ։
Քամեք։
Խմեք 100-200 մլ` օրը 2-3 անգամ։
Բրինձը հակացուցված է շաքարային դիաբետի, գիրության, քրոնիկ փորկապության, աղիների ծակծկոցի դեպքում։
Բրինձը հրաշալի միջոց է արտաքին տեսքը խնամելու գործում։
Բրնձի եփուկով ցայեք մազերը։
Այն ունի փափկեցնող հատկություն։
Բրինձն ունի մաշկը հանգստացնող, սպիտակեցնող, հակաբորբոքային հատկություն։
Բրնձից կարող եք պատրաստել երիտասարդացնող դիմակ։
Խառնեք 3-ական ճաշի գդալ բրնձի ալյուր և թթվասեր, ապա 1 թեյի գդալ մեղր։
Քսեք դեմքին, թողեք չորանա 5 րոպե, ապա դեմքը լվացեք գոլ ջրով։
Բրնձից պատրաստեք նաև հրաշալի սկրաբ։
Խառնեք 1 թեյի գդալ հում բրինձը 0,5 թեյի գդալ կաթնաշոռի և 0,5 թեյի գդալ արևածաղկի բուսայուղի հետ։
Թեթևակի գոլացրեք և շրջանաձև շարժումներով քսեք դեմքին։
Խուսափեք աչքերի շուրջը քսելուց։
Պահեք 10-15 րոպե, ապա լվացեք գոլ ջրով։